Ցերերբրում Ինտելեկտուս․ նոր դասընթացների մեկնարկին ընդառաջ
Քննարկվել են YoHealth-ի միասնական Medical ID համակարգի իրագործման հնարավորությունները
Ադրբեջանի Միլի Մեջլիսի արտաքին հարաբերությունների հանձնաժողովի նախագահին առաջարկել եմ հանձնաժողովների հանդիպում անցկացնել. Սարգիս Խանդանյան
Քննարկվել է «Վեդի ջրամբարի և ոռոգման համակարգի կառուցում» ծրագիրը
Հայաստան եմ այցելել երեք ուղերձով. Ռասմուսեն
Թրամփի հետ քննարկել ենք Ռուսաստանի կողմից էներգետիկ հարվածների դադարեցման հարցը. Զելենսկի
ՀՀ ԱԺ նախագահը ֆրանսիացի գործընկերոջ ուշադրությունն է հրավիրել Ադրբեջանում պահվող հայերի խնդրին
Ինչ խնդիրներ էլ եթե կային, դրանք լուծվել են հայկական կողմից, ՆԱՏՕ-ի նախկին գլխավոր քարտուղարը՝ ՀՀ-Ադրբեջան համաձայնագրի մասին
Պուտինն ընդունել է Թուրքիա այցելելու հրավերը, բայց օրը դեռ համաձայնեցված չէ. Պեսկով
Քաղաքացիական պաշտպանությանն ուղղված միջոցառումներ են անցկացվել Արմավիրի մարզում

ԱՄՆ արտաքին օգնության սառեցումը հարվածել է Ուկրաինային

10:59 6 Փետրվար 2025

Թրամփի վարչակազմի կողմից արտասահմանյան օգնության սառեցումը բարդ իրավիճակի առաջ է կանգնեցրել ուկրաինական կազմակերպություններին: Նրանք փորձում են այլընտրանքային աջակցություն գտնել:

ԱՄՆ նախագահ Դոնալդ Թրամփի՝ օտարերկրյա օգնության մեծ մասը սառեցնելու որոշումը մեծ ազդեցություն է թողել ուկրաինական կազմակերպությունների վրա, որոնք մարդասիրական օգնություն և այլ ծառայություններ են տրամադրում:

Օրինակ, Վետերանների կենտրոնը հոգեբանական և սոցիալական աջակցություն է ցուցաբերում պատերազմի վետերաններին և նրանց ընտանիքներին: Խումբն ասում է, որ Թրամփի վարչակազմի՝ արտաքին օգնությունը սառեցնելու հրամանը, ստիպել է իրենց փակել Վիննիցա քաղաքի իրենց գրասենյակը:

Կիևում՝ գլխավոր գրասենյակը դեռ գործում է՝ մասնավոր դոնորների շնորհիվ:

Վետերանների կենտրոնի նախագահ Իվոնա Կոստինան նշում է, թե ֆինանսավորման դադարեցումը անսպասելի էր և ծանր հարված հասցրեց իրենց նախագծին:

«Ֆինանսավորման դադարեցումը մեզ համար գործունեության դադարեցում է։ Դա նշանակում է դադարել վճարել աշխատավարձները և թույլ չտալ, որ մարդիկ վերադառնան աշխատանքի»,- նշել է Վետերանների կենտրոնի նախագահ Իվոնա Կոստինան:

ԱՄՆ նախագահ Դոնալդ Թրամփի պաշտոնամուտից գրեթե անմիջապես հետո, նրա վարչակազմը կարգադրեց 90 օրով սառեցնել ողջ արտաքին օգնությունը՝ ծախսերի արդյունավետությունը վերագնահատելու համար:

Սպիտակ տունը անպատասխան է թողել «Ամերիկայի ձայնի» հարցումը՝ մեկնաբանել Ուկրաինային ցուցաբերվող քաղաքացիական օգնության սառեցումը:

Փոխարենը ամերիկյան արտաքին օգնության սառեցման վերաբերյալ Պետքարտուղարության հայտարարության մեջ ասված է, որ «ԱՄՆ-ն այլևս չի պատրաստվում կուրորեն գումար հատկացնել՝ առանց հաշվի առնելու ամերիկացի ժողովրդի շահերը»:

Ինչևէ, նման որոշումն ուղղակի ցնցել է Ուկրաինայում գործող մարդասիրական կազմակերպություններն:

Գաղտնիք չէ, որ արդեն շուրջ երեք տարի շարունակվող պատերազմի պայմաններում Ուկրաինայի կառավարությունը, քաղաքացիական հասարակությունը և լրատվամիջոցները մեծապես ապավինում են արտաքին օգնությանը:

Ուկրաինական անկախ մուլտիմեդիա նախագծի՝ Ukraїner-ի հիմնադիր Բոհդան Լոգվինենկոն «Ամերիկայի ձայնին» փոխանցել է, որ իրենց ֆինանսավորման մեծ մասը գալիս էր ԱՄՆ-ից:

«Մենք կրճատում ենք աշխատակազմը և ստիպված ենք կրճատել մեր աշխատանքի ծավալները, քանի որ մեզ միաժամանակ աջակցող մի քանի ծրագրեր կային»,- նշել է Ukraїner-ի հիմնադիր Բոհդան Լոգվինենկոն:

Լոգվինենկոն ասում է, որ սառեցման հետևանքով կտուժեն ոչ միայն անկախ լրատվամիջոցները:

«Ազդեցությունը հսկայական է: Լրատվամիջոցներին տրամադրվող օգնությունը կաթիլ է օվկիանոսում: Տնտեսական աջակցությունը հսկայական ազդեցություն ունի, և դրա դադարեցումն ամրապնդում է Ռուսաստանի դիրքերը»,- ընդգծել է նա:

ԱՄՆ օգնության գործակալությունը հայտնել է, որ Ռուսաստանի ներխուժումից ի վեր, այն Ուկրաինային տրամադրել է ավելի քան 7,6 միլիարդ դոլար՝ մարդասիրական և զարգացման ծրագրերի իրականացման համար։

Bihus.info հետաքննական մեդիա նախագծի ղեկավար Դենիս Բիհուսին անհանգստացնում է ուկրաինական պետական ծրագրերի ճակատագիրը, որոնք ամենաշատն են կախված ամերիկյան ֆինանսավորումից:

«Մեր հիմնական դրամաշնորհ ստացողը լայն իմաստով Ուկրաինայի պետությունն է՝ ներկայացված կա՛մ տեղական համայնքներով, կա՛մ ուղղակի պետական ապարատով»,- նշել է նա:

Ամերիկացի քաղաքական վերլուծաբան Դագ Քլեյնը նշում է, որ Միացյալ Նահանգների արտաքին օգնության մեծ մասը նպատակ ուներ ամուր պահել Ուկրաինայի կառավարությունն ու հասարակությունը: Սակայն այն նաև աջակցում էր կառավարությանը վերահսկող ծրագրերին:

Քլեյնը կարծում է, որ այս ծրագրերի սառեցման չեղարկումը կուժեղացնի Թրամփի վարչակազմի քաղաքականությունը և կնպաստի Ուկրաինայի դիմակայանության ամրապնդմանը:

«Թրամփը ցանկանում է ստիպել Վլադիմիր Պուտինին դադարեցնել իր ներխուժումը Ուկրաինա, և նա ցանկանում է հասնել մի բանի, ինչը նա և իր թիմն անվանում են «խաղաղություն ուժի միջոցով»: Ուժեղ Ուկրաինան դրա բանալին է»,- հավելել է նա:

Ուկրաինայի նախագահ Վոլոդիմիր Զելենսկին իր կառավարությանը հանձնարարել է առաջնահերթություն տալ ամենակարևոր ծրագրերին, որոնք հիմնված են ԱՄՆ ֆինանսավորման վրա, և դրանց կարիքը հոգալ պետբյուջեի կամ օտարերկրյա օգնության այլընտրանքային աղբյուրների շնորհիվ:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

ԱՄՆ արտաքին օգնության սառեցումը հարվածել է Ուկրաինային

Լրահոս

Փոխկապակցված նորություններ

Տնտեսություն

Հասարակություն