Խաղաղությունը կարևոր է և՛ Հայաստանի, և՛ Ադրբեջանի համար. Անդրանիկ Քոչարյան

15:12 20 Մարտ 2025

Անդրանիկ Քոչարյանի խոսքով՝ սահմանի երկու կողմում էլ ոչ մի կրակոց չկա, և անընդհատ ադրբեջանական ապատեղեկության արձագանքելը խաղաղության օրակարգի մեր պատկերացումների մեջ չի տեղավորվում:

Խորհրդարանի պաշտպանության և անվտանգության հարցերի մշտական հանձնաժողովի նախագահը պնդել է, որ խաղաղությունը կարևոր է և՛ Հայաստանի, և՛ Ադրբեջանի համար: Իշխող կուսակցության պատգամավորը նկատել է, որ խաղաղության համաձայնագիրը չստորագրելու ոչ մի պատճառ չունի Ադրբեջանը, ուստի չի կարող ասել, թե ինչու է այդ երկիրը անընդհատ խոսում համաձայնագրի կետերի հետ կապ չունեցող խնդիրներից:

«Մեր երկրի վարչապետը ասաց՝ ես ստորագրում եմ, որովհետև ոնց որ թե էդ բոլոր 17 կետերին համաձայնվել ենք: Հիմա իրենք պիտի ասեն՝ էս կետերից դուրս եթե խնդիր ունեն, դա այլ խնդիր ա: Բայց էս կետերի շրջանակներում եթե մենք պատրաստ ենք ստորագրել, և իրենք ասում են՝ բոլոր խնդիրները լուծվում են, ինչո՞ւ չեն ստորագրում: Էդ դեպքում թող բարձրաձայնեն, մենք էլ հասկանանք: Եթե դրանից դուրս էլի խնդիրներ կան, խոսենք, կարող է մենք էլ ունենանք խնդիրներ սրանից դուրս արդեն այլ հարցերում՝ գերիների հև այլ հարցերում, բազմաթիվ հարցեր կան»,- ասել է Անդրանիկ Քոչարյանը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Տնտեսություն

ՏԵՍՆԵԼ ԱՎԵԼԻՆ

Հասարակություն

ՏԵՍՆԵԼ ԱՎԵԼԻՆ